Adeus, Vespalacón 2010... Viva o Vespalacón 2011!!

Cando eu era un crío de 10 anos, mirabamos o ano 2000 como se fose o climax da tecnoloxía automobilística. Era habitual falar de coches que replicaban en alto con voz de muller, aquelo de que tiñas a porta mal pechada e incluso se escoitaban rumores, de que Kit era un prototipo de verdade... que tempos aqueles (menos mal que non había internet)

Na miña pandilla, había un auténtico experto gafotas nesto da tecnoloxía: Jesús o de Caamaño, que soñaba con pilotar un F16 Gerald: (un saúdo, compañeiro!)

- xa verás, no ano 2000 os coches voarán por riba dos tellados
- tamén por riba do tellado do concello?
- homeee... incluso por riba do campanario!
- ... ala!...     ...      ...      Jesús, e as motos?
- mmmm... as motos serán como os monopatíns de Regreso al Futuro!
- Buah! eso si que molaría...

Hoxe, 23 de febreiro do ano 2010, alégrome moitísimo de que as motos sigan sendo como eran daquela: trastos de ferro e chapa con dúas rodas e restos de aceite no escape, pero sobre todo, alégrome de convocar unha xuntanza de scooteristas en Cuntis cos compañeiros do Scutre Clú e que apareza xente de Ourense, Vigo, Ferrol, Coruña, Pontevedra, Arcade, Padrón, Cambados, Silleda, Burela... e incluso Australia!

Dende a web oficial do Vespalacón, queremos dar as grazas a todos aqueles que nos botaron unha man de forma desinteresada para a celebración desta nova edición: Concello de Cuntis, Termas de Cuntis, Floristería Xunco, Carnicería Carlos, Iguanas Galiza e como non, a Ferrín -Materiales de Construcción-

Para os membros do Scutre Clú, foi todo un pracer poder rodar ó voso lado unha vez máis, pero sobre todo, comer na mesma mesa, compartindo a un tempo grelos e chasis de segunda en "lamaneta", discos de freno sin homologación e patacas cocidas, trucos de chiclés e un anaco de lacón que aínda quedaba na mesa.

PD: por certo! o gañador do I Concurso Vespalaconianos en Latri.ca, e por tanto da camiseta, foi o de CAMPAINHAS:

O Patrulleiro das Ondas leu o anónimo: "Se queres resolver o misterio da mosca do xamón as claves son: VESPA LACÓN'. Mirou no Jujel, todas as pistas conducían a Cuntis. Sería quen de evitar o crime?

FOTOS PORCOCALL
Fotos Golfos Ártabros
Fotos Carlos López
Fotos g5u5
Fotos Nácar
Fotos mi_santa_no_quiere_moto 
Fotos Juan